As fortes choivas durante a madrugada deste xoves 26 sobre Pontevedra provocaron un desprendemento de terras na zona da estrada situada sobre a senda do río Lérez.
Por este motivo, o Concello de Pontevedra decidiu pechar a entrada á urbanización de Monte Porreiro.
A senda está acoutada ata a ponte sobre o río que une coa parroquia de Lérez.
Os traballos de reparación xa comezaron este mesmo xoves.
Xaquín Moreda, concelleiro de Servizos Urbanos Básicos, ten previsto achegarse este venres 27 ata a zona cos técnicos municipais para comprobar os danos ocasionados.