O Día Movemento Viño D.O. celébrase por segundo ano consecutivo o sábado 12 de maio. Un ano máis a Denominación de Orixe Rías Baixas unirase de novo á celebración deste día que terá lugar na pontevedresa Praza da Pedreira coa actuación do grupo local La Casa de los Ingleses.
O Día Movemento Viño D.O. está concibido como unha xornada festiva, popular e participativa na que o gran protagonista será o viño con denominación de orixe, por iso o acto central será un gran brinde colectivo, ás 13:30 horas, no que miles de persoas á vez, desde distintos puntos da nosa xeografía, brindarán simultaneamente. Un sinxelo xesto co que poñer en valor a calidade e a diversidade deste produto e achegalo a aqueles que aínda non o descubriron.
Esta xornada está impulsada por 26 denominacións de orixe españolas e pola Conferencia Española de Consellos Reguladores Vitivinícolas co obxectivo de gozar e achegar o viño con denominación de orixe ao público en xeral e aos mozos en particular.
Esta inicitiva celebrouse por primeira vez o 20 de maio de 2017. A D.O. Rías Baixas fíxoo na Praza do Concello de Cambados.