O presidente da Deputación, Rafael Louzán, deu conta este venres do convenio que a institución provincial vai establecer co Concello de Pontevedra para a execución de tres obras.
Trátase da remodelación dos accesos á Comandancia da Garda Civil en colaboración coa Dirección Xeral da Garda Civil, a pavimentación das antigas estradas provinciais Pedra do Lagarto-Marcón e Mollabao-Sixto, e a reparación da Ponte da Gándara sobre o río Rons.
Segundo o anuncio feito por Louzán, a Deputación someterá a decisión do pleno o proxecto para a mellora das instalacións da Garda Civil por importe de 150.000 euros e a colaboración prevista co goberno municipal de Pontevedra dentro da partida destinada a inversión en cooperación con entidades locais por importe por 560.000 euros.