A Deputación vai realizar unha limpeza da maleza do muro perimetral do convento de Santa Clara. Actuación que tamén afecta á parede sur que linda coa Praza de Barcelos e actuarase tanto na parte interior como no exterior do tabique.
Unha vez que se retirou a maleza que cobre este muro poderase revisar a súa integridade. Neste sentido, deteranse nas repercusións do derrubamento que se producía no mes de marzo, para determinar que accións seguir para garantir a seguridade das persoas e a conservación desta parede de pedra.
En calquera caso estes labores de limpeza non afectarán á estabilidade estrutural nin aos materiais do tabique.
Procederase a cortar a maleza con ferramentas manuais, respectarase a vexetación existente e non se usará ningún tipo de produto químico.