A Deputación de Pontevedra vén de pechar a súa participación na Feira Internacional de Turismo do Interior, Intur, celebrada en Valladolid cun "exitoso" balance.
Neste evento a provincia posicionouse como un destino con opcións singulares de excelencia vinculadas ao turismo interior e familiar.
A deputada de Turismo Ana Laura Iglesias comentou que numerosos grupos amosaron interese en elementos como a ruta das camelias, as experiencias relacionadas coa cultura, os camiños, a programación de Nadal, a enogastronomía e as festas.
Coa participación en INTUR, sumada á presenza en FITUR (Madrid), Expovacaciones (Bilbao) e aos workshops celebrados en outubro en Bilbao e Sevilla, a institución provincial pecha a comercialización turística das Rías Baixas do ano 2022.