O centro penitenciario da Lama contará con unidade canina propia para previr a introdución de droga en prisión. Así o anunciou o secretario xeral de Institucións Penitenciarias, Ángel Luís Ortiz, este luns en Burgos o curso formativo para os profesionais que estarán a cargo das doce novas unidades caninas que se van a implementar nas prisións da Administración Xeral do Estado. Estes equipos cinolóxicos sumaranse ao once xa distribuídos por toda a xeografía española.
"La creación de las nuevas unidades supone un refuerzo en la estrategia diseñada por la Administración Penitenciaria para prevenir y evitar la introducción y el consumo de droga en prisión; un compromiso claro con el deber de velar por la salud de las personas privadas de libertad", subliñou Ángel Luís Ortiz.
Estes equipos prestarán servizo, ademais, a outras prisións da zona na que operan, de maneira que o radio de acción esténdese a gran parte da xeografía.
O proxecto comezou cunha experiencia piloto no Centro Penal de Burgos no ano 2018. Desde entón, de maneira progresiva, fóronse constituíndo equipos desta natureza noutras dez prisións.
Durante 2022, as unidades caninas chegaron a detectar o 58,8% da suma de cánnabis, cocaína e heroína intervidos nos dez establecementos nos que estiveron operativas.
"Ahora se trata de seguir avanzando, de llegar a más centros en esta segunda fase", trasladou o secretario xeral de Institucións Penitenciarias.