Un total de oito comparsas, varios grupos con carrozas e música, así como numerosas persoas a título individual e en parella inscribíronse xa no desfile de Entroido da Lama. O Concello espera que sexa o máis multitudinario dos que se celebren na comarca do Verdugo-Oitavén este ano.
O desfile terá lugar este sábado a partir das 17 horas. A festa rematará coa entrega de premios, unha gran chocolatada con rosca e baile amenizado polo grupo La Noche.
Unha vez finalizado o período de inscrición, a organización confirma a presenza no desfile de entroido das comparsas Amoriños de Bora, 100 Tolos, Os Canecos, Os da Cana, As Flores do Entroido, Os Paparrulos, Os Solfamidas e As Sonecas, así como varios grupos de gran formato con carrozas chegados de lugares tan dispares como Marín, Moaña, Poio, Campo Lameiro, Ponte Caldelas, Fornelos de Montes, Pontevedra, Cerdedo-Cotobade e Soutomaior.
Tamén está anotado un gran número de persoas que participan en categoría individual ou por parella no concurso de disfraces dotado de importantes premios en metálico.
Engade Pontevedra Viva como fonte preferida de Google de balde
Mantente informado coas últimas noticias de actualidade.