Marín contaxiouse este sábado do mellor e máis puro espírito do Nadal da man dunha multitude de 'Papás Noel' moteiros.
A 'Papanoelada' organizada por Moteiros Solidarios de Galicia recolleu alimentos non perecedoiros para a súa posterior doazón antes da súa saída desde a entrada da Escola Naval Militar.
Desde aí a caravana dirixiuse ao vial de praias nun divertido roteiro que pasou por Seixo, Santomé, o Lavadoiro de Troncosa, O Campo, a Rotonda da Torre, a Baixada de Mirón, Ezequiel Massoni, Jaime Janer, Concepción Arenal, Raimundo Vázquez, Lameiriña e Banco Bilbao para finalizar na parada da Alameda Rosalía de Castro.
A iniciativa terá continuidade este domingo con outra 'Papanoelada' organizada neste caso en Poio pola Rosa dos Ventos, e que partirá ás 17.00 horas desde A Reiboa.