A Plataforma Pontevedra-Marín de afectados por participacións preferentes e obrigas subordinadas de Novagalicia Banco decidiu suspender todas as accións reivindicativas programadas durante os próximos días en sinal de duelo e respecto a todas as vítimas e feridos no accidente accidente de ferrocarril sucedido este 24 de xullo en Santiago de Compostela.
Para este venres 26 estaba prevista a retirada de fondos, por parte dos afectados, nas oficinas principais en Novagalicia Banco da cidade de Pontevedra. O resto de Plataformas, a través da Coordinadora, decidiron tamén suspender os actos destes días e sumarse ao loito.
Os actos retomaranse o 10 de agosto cando as Plataformas participen conxuntamente nunha manifestación convocada en Sanxenxo na que reclamarán reclamar a devolución do 100% dos aforros que perderon.