Axentes da Policía Nacional incautáronse de 11 quilos de heroína oculta en "caletas", habilitadas para o efecto nas prazas traseiras do interior dun vehículo. A substancia estupefaciente estaba repartida en 20 paquetes de 550 gramos cada un.
Durante a investigación detívose os catro membros desta organización internacional, que se da por desmantelada.
Durante varios meses, axentes especializados na loita contra o narcotráfico investigaron as actividades dun grupo de persoas vinculadas ao tráfico de heroína. A medida que avanzaron as pescudas, os policías comprobaron que os investigados formaban parte dunha organización criminal internacional, liderada por un individuo de nacionalidade albanesa.
Os investigadores descubriron que un deles abastecíase de heroína a través de varios contactos noutras localidades do territorio nacional. Unha vez que tiña a droga no seu poder, distribuíaa por toda a comunidade galega, sendo este o único medio de vida del e da súa parella sentimental, tamén detida.
A Policía recuperou 20 paquetes de heroína cun peso de 550 gramos cada un
Tras varias xestións, os policías lograron identificar un vehículo que os membros da organización poderían estar a utilizar para transportar a substancia estupefaciente, polo que procederon á súa detención e inspección nas proximidades de Pontevedra. No interior deste, os axentes localizaron 20 paquetes que contiñan 550 gramos de heroína cada un en ocos habilitados para iso nos asentos traseiros.
Tras o rexistro do coche, os axentes procederon á detención dos catro integrantes da rede en diferentes localidades da provincia de Pontevedra. Foron efectuados rexistros domiciliarios nos que se interviñeron 1.600 euros en efectivo, 10 teléfonos móbiles, un vehículo e unha tablet.
A operación foi desenvolvida por axentes da UDYCO de Pontevedra.