Este xoves entrou polo rexistro do Concello de Pontevedra unha comunicación da Seguridade Social que anula a alta de oficio do concelleiro do Partido Popular, Pablo Fernández.
O edil da oposición solicitara acollerse ao réxime xeral no período comprendido entre o 1 de setembro do ano 2012 e o 19 de decembro de 2013, para que se recoñecese o dereito a cobrar un salario municipal durante ese tempo.
Segundo informou o concelleiro de Personal, Vicente García Legísima, agora a Seguridade Social "deixa sin efecto esa tramitación do alta ata o momento que haxa un pronunciamento por parte dos Xulgado Contencioso Administrativo". ÿ dicir, que esta decisión da Seguridade Social non é definitiva ao quedar pendente do recurso xudicial presentado polo PP sobre a retroactividade da sentenza que anulou o acordo plenario polo que se eliminaron os soldos da oposición.
García Legísima afirmou que "o Concello está de acordo con este posicionamento que debeu ser o normal dende o principio".