A Semana Santa tivo, como é habitual, un claro efecto sobre os datos de desemprego. Un total de 210 persoas abandonaron as listas do paro na cidade de Pontevedra durante o mes de abril, segundo os datos que publicou este luns o Ministerio de Traballo, Migracións e Seguridade Social.
Así, o número total de parados na Boa Vila sitúase en 5.552, un 3.64% menos que en marzo. Con respecto ao mesmo mes do ano pasado, Pontevedra rexistra un descenso nos demandantes de emprego que chega ata o -8.74%.
O aumento nas contratacións e, polo tanto, o descenso no número de desempregados é xeneralizado en toda a zona de influencia de Pontevedra e máis acusado nas zonas máis turísticas da comarca.
| Abril | Marzo | Variación | |
| Pontevedra | 5.552 | 5.762 | -210 |
| Barro | 250 | 265 | -15 |
| Bueu | 760 | 809 | -49 |
| Caldas de Reis | 659 | 687 | -28 |
| Cambados | 1.028 | 1.059 | -31 |
| Campo Lameiro | 123 | 130 | -7 |
| Cerdedo-Cotobade | 339 | 359 | -20 |
| Cuntis | 275 | 281 | -6 |
| O Grove | 779 | 909 | -130 |
| A Illa de Arousa | 276 | 292 | -16 |
| A Lama | 152 | 155 | -3 |
| Marín | 1.552 | 1.555 | -3 |
| Meaño | 320 | 356 | -36 |
| Meis | 323 | 345 | -22 |
| Moraña | 294 | 298 | -4 |
| Poio | 1.041 | 1.092 | -51 |
| Ponte Caldelas | 472 | 482 | -10 |
| Portas | 197 | 197 | 0 |
| Ribadumia | 285 | 295 | -10 |
| Sanxenxo | 1.000 | 1.167 | -167 |
| Vilaboa | 391 | 405 | -14 |
| Vilagarcía de Arousa | 3.276 | 3.406 | -130 |
| Vilanova de Arousa | 733 | 771 | -38 |
PROVINCIA
Con respecto á provincia, un total de 2.068 persoas abandonaron as listas do paro durante o mes de abril. Trátase, por tanto, dun 3.04% menos que os desempregados que buscaban traballo en marzo, o que sitúa o total de parados na provincia en 65.762.
Por sectores de procedencia, o desemprego reduciuse principalmente nos servizos (1.917 persoas) e, en menor medida, na agricultura (21) e a industria (44), así como a construción (68) e entre o colectivo sen emprego anterior (21).
GALICIA
O número de parados rexistrados nas oficinas do servizo público de emprego situouse en 166.226 desempregados en Galicia tras baixar en 4.615, un -2,70%, durante o mes de abril.
De acordo cos datos publicados, son 16.065 pontevedreses menos que hai un ano, o que supón unha redución interanual do -8,81%.
ESPAÑA
No total nacional, pola súa banda, o paro situouse nos 3.163.566 desempregados tras baixar en 91.518 persoas durante abril.
Dos 91.518 parados menos de abril, 40.189 eran homes e 51.329, mulleres, o que recortou o desemprego masculino a 1,29 millóns de persoas e o feminino a 1,86 millóns. Por idade, o desemprego de menores de 25 anos reduciuse en 15.192 persoas.