A alcaldesa de Meis e candidata á reelección polo PSOE, Marta Giráldez, presentou este sábado a candidatura e o programa co que concorre ás eleccións que se celebran o próximo 28 de maio.
As súas propostas "estrela" son a ampliación da escola infantil, a creación dun centro de día público e estender a rede de saneamento a máis lugares do municipio.
Neste acto, celebrado na praza de España, Marta Giráldez estivo arroupada polo secretario provincial do PSdeG, David Regades, pola presidenta do PSdeG, Carmela Silva e polo secretario xeral do PSdeG, Valentín González Formoso.
A candidatura do Partido Socialista en Meis está conformada por por Marta Giráldez (1), Manuel Muñoz (2), Araceli Maquieira (3), Martin Casais (4), Maria Sancho (5), Victor Conde (6), Maria Estela González (7), Silvia Vidal (8), Jorge Davila (9), Elena Lede (10) e Ramon Abal (11).