A tripulación do barco "Burla Negra", acompañantes de Benito Soto, o pirata da Moureira, ocuparán este martes pola noite as rúas do centro histórico cargados de diversión para animar aos espectadores. A asociación Combrus e Troula recrearán as abordaxes e as intervencións dos piratas mariños.
Participarán neste evento as comparsas Os da Caña, Solfamidas, Las Flores del Carnaval, Os 100tolos, Os Paparrulos, Os Canecos, Amoriños de Bora, Val do Lérez, Equipo Ja e Vamos a todo.
Esta actividade súmase, durante este martes 9, á Festa da Filloa na Casa da Luz co concurso de elaboración deste doce típico do entroido.
A Festa Pirata do Entroido infantil trasladarase ao Recinto Feiral ante a previsión de choivas. Comezará ás 17.00 horas con animación a cargo de Rivel e de Djs.