O presidente da Xunta, Alberto Núñez Feijoo, anunciou este xoves a decisión de render homenaxe ás vítimas falecidas polo coronavirus e ás súas familias co decreto de loito oficial na Comunidade Autónoma de Galicia durante todo o mes de maio. “É o momento de render unha homenaxe a todas as vítimas e de honralas como merecen”, aseverou durante unarueda de prensa incidindo en que este loito oficial representa o respecto á súa memoria e aos seus familiares.
Ao longo da súa intervención, Feijóo referiuse tamén ao informe da Consellería de Sanidade sobre a evolución da pandemia en Galicia e a situación do sistema sanitario galego de fronte ao proceso de reactivación social e económica. O mandatario sostén que Galicia afronta un momento clave desta pandemia cuns indicadores epidemiolóxicos e cunha capacidade sanitaria que a sitúan nunha posición sólida.
“Estamos preparados para iniciar a reactivación económica porque entendemos que cumprimos as condicións, pero non o podemos asegurar con certeza porque non sabemos aínda cales son as condicións que temos que cumprir para pasar á fase 1 do que o Goberno central chama desescalada”, criticou. “Non podemos seguir sen concretar cales son os criterios fundamentais que se van a aplicar; criterios obxectivos, constatables e contrastados, para pasar da fase da discrecionalidad á fase das certezas”, abundou.