A secretaria xeral da Igualdade, Susana López Abella, e a directora xeral de Comercio e Consumo, Sol Vázquez, presentaron este martes en Sanxenxo a campaña da Xunta con motivo da conmemoración, o próximo 25 de novembro, do Día internacional contra a eliminación da violencia de xénero, á que a partir de agora se adhire a Federación de Prazas de Abastos de Galicia.
A administración autonómica puxo en valor esta nova adhesión, en tanto a federación aglutina un total de 13 prazas que constitúen un espazo fundamental de encontro a nivel local e que, polo tanto, suporán unha importante contribución á divulgación da campaña.
A través desta colaboración, as prazas disporán de material relacionado coa campaña institucional do 25 de novembro, que ten como mensaxe principal: "Fronte á violencia de xénero só cabe unha resposta. Sen ningún xénero de dúbida. NON".
Engade Pontevedra Viva como fonte preferida de Google de balde
Mantente informado coas últimas noticias de actualidade.