O Concello de Moraña previu convocatorias reivindicativas e de carácter máis lúdico para conmemorar este venres o Día Internacional da Muller.
"Aínda que é fundamental traballar na construción e consecución da igualdade todos os días do ano, non podemos deixar pasar esta data simbólica e autoesixirnos todo o que queda por facer en materia de igualdade, xa que a visibilización tamén é algo fundamental nesta materia", sinalou o alcalde Sito Gómez.
Unha das iniciativas é a exposición 'Mulleres pioneiras galegas' aberta na Casa da Cultura. Na mostra pódense ver a través de paneis, o labor de mulleres galegas que foron referentes nas súas profesións. Para favorecer a máxima participación, os actos do 8M desenvolveranse principalmente durante a xornada do sábado 9.
Así, ás 20.00 horas comezará a gimcana da muller con xogos cooperativos sobre igualdade. Ás 22.00 horas no Edificio Multisusos de Santa Lucía será a cea de confraternidade a cuxo inicio se lerá un manifesto institucional. Xa se inscribiron preto de cen persoas e aínda están abertas as inscricións durante este xoves.
O programa complétase cun fin de festa no que haberá actuación musical cunha DJ.
Engade Pontevedra Viva como fonte preferida de Google de balde
Mantente informado coas últimas noticias de actualidade.