Durante a tarde deste sábado 21, a Base Xeneral Morillo de Pontevedra, sede da Brigada Galicia VII - BRILAT - acollía as honras fúnebres en recordo de Iván Mejuto Rodríguez, soldado pertencente á agrupación que falecía o xoves nun accidente de tráfico en Soria.
Os actos fúnebres celebráronse na intimidade por expreso desexo da familia. José Manuel Vivas Urieta presidiu o funeral como xeral de División e xefe da División Castillejos, acompañado por diferentes autoridades.
O xeneral impuxo a Cruz ao Mérito Militar con distintivo amarelo, que se concede a título póstumo ao soldado que faleceu en acto de servizo cando conducía un vehículo militar á altura da localidade de Langa de Douro, na provincia soriana.
Iván Mejuto formaba parte da escolta técnica dun transporte de material do Grupo de Artillería de Campaña VII, despois de finalizar o exercicio de instrución e adestramento no que participaba no campo de manobras de San Gregorio, en Zaragoza.
A condecoración que concede o Exército de Terrase entrega por accións, feitos ou servizos que entrañen grave risco e nos casos de lesións graves ou falecemento como consecuencia de actos de servizo que impliquen unha conduta meritoria