A tenente de alcalde, Eva Vilaverde, compareceu este xoves, 26 de setembro, en rolda da prensa para dar conta da Xunta de Goberno celebrada a primeira hora na que foi aprobada a proposta de adxudicación do servizo de roza viaria no rural.
A empresa proposta é Audeca SLU, tal e como sinalaron os técnicos municipais encargados da apertura e estudo das propostas presentadas.
Segundo explicou VIlaverde, "trátase dun contrato que permitirá sistematizar e mellorar todo o servizo de rozas no rural, duplicando a súa contía e os traballos a realizar".
O prezo de licitación deste contrato é de 249.999,97 euros por ano (estará vixente por catro anos, dous máis dous de prórroga).
Unha vez presenten a documentación requirida finalizarase o procedemento e comezarase co servizo.