Chegamos a unha nova entrega de "A cociña gourmet en conserva" cunha receita para toda a familia: as albóndegas. Nesta ocasión, Conservas Pescamar proponnos unha elaboración con bacallau.
O bacallau é un peixe branco que destaca pola súa achega en proteínas, superior á dalgunhas carnes. É baixo en calorías e en graxas.
Para preparar unhas deliciosas Albóndegas de bacallau á biscaíña Pescamar necesitamos os seguintes ingredientes:
- 2 latas de Bacallau á biscaíña Pescamar
- 3 patacas medianas (aprox. 400 g)
- 1 cebola
- 1 chorro de viño branco
- 2 dentes de allo
- 3 ovos
- Fariña
- Pan relado
- Sal
- Aceite
Preparación:
Nunha pota con auga fervendo e un chisco de sal, pomos as patacas peladas. Cando estean feitas, retirámolas e esmagámolas cun tenedor.
Cocemos os ovos e, cando estean fríos, pelámolos e picámolos.
Nun bol, prepararemos a masa das albóndegas mesturando as dúas latas, previamente escorridas e reservada a salsa, de Bacallau á biscaíña Pescamar coas patacas machucadas, os ovos picados, o pan rallado e un chorro de viño branco.
Cando a masa estea integrada, imos formando bólas até esgotar toda a mestura.
Pasamos as albóndegas pola fariña e fritímolas en aceite. A continuación, colocámolas sobre un papel absorbente para eliminar o exceso de graxa.
No mesmo aceite, douramos a cebola e o allo picados. Cando estean feitos, agregamos un chisco de fariña e remexemos. Un minuto despois, incorporamos a salsa das latas que reservaramos.
Pasamos esta salsa a unha cazola de barro e engadimos as albóndegas, deixándoo cocer todo a lume lento durante 15 minutos. Servimos na mesma cazola.
Nuns días, os produtos do mar serán de novo protagonistas dunha nova receita de "A cociña gourmet en conserva" de Conservas Pescamar.
