Os servizos de emerxencia de Ponte Caldelas e A Lama non paran desde hai horas. A crecida do río Verdugo, polas choivas que está a xerar a borrasca Joseph, púxolles en alerta.
O risco de desbordamento o río é evidente polo que, ademais de pedir aos cidadáns que teñan precaución nos seus desprazamentos, tomaron decisións urxentes.
Así, en Ponte Caldelas, o Concello cortou todos os accesos á zona da Calzada e a todo o ámbito situado detrás da praza, os puntos máis sensibles ante a crecida do Verdugo.
Nestes dous puntos o caudal do río xa desbordou e producido inundacións na zona.
Ademais, suspendéronse todas as actividades deportivas no pavillón e no campo de fútbol de Chan da Barcia até novo aviso.
A estrada entre San Vicente e Buchabade, pola súa banda, tivo tamén que ser cortada ao tráfico ao rexistrarse inundacións ao longo do seu trazado.
Mentres, na Lama, aínda que a situación non é tan preocupante como en Ponte Caldelas, onde o Verdugo atravesa o centro urbano, sucédense as incidencias.
Entre outros puntos, o ámbito da praia fluvial da Lama, onde converxen os ríos Verdugo e Barbeira, está alagado ao desbordarse o seu caudal.
As brigadas municipais están a traballar para minimizar os riscos para a poboación.