Coller un tren, ir ao cine, tomar un pincho na zona vella, comprar no Mercado son actividades cotiás que están fora do alcance dalgunhas persoas con discapacidad intelectual.
A Casa Azul acolle o programa de adquisición de autonomía, habilidades sociais e persoais que organiza o departamento de Benestar social do Concello en colaboración coa asociación Down Pontevedra.
Está dirixido a rapaces con discapacidade intelectual superior ou igual ó 33% de entre 8 e 15 anos.
Este novidoso programa ten como obxectivo dotar dos apoios necesarios para aumentar a autonomía en tódolos ámbitos da vida: persoal, social, educativo e familiar e traballar as habilidades no aspecto físico, afectivo, cognitivo, comunicativo, social e de inclusión escolar.
Un profesional é o que guía esta aprendizaxe. Traballa en pequenos grupos e constan de adestramento na aula, en combinación con prácticas na rúa. Este profesional coordinase co responsable técnico da Entidade Down Pontevedra "Xuntos".