Nada hai no terreo próximo ao campo da festa da parroquia de Marcón que recorde que alí houbo un colexio.
O pasado mes de maio o Concello completou o derrubamento do vello centro escolar de Marcón, unha das antigas aspiracións da concelleira do PP Rosa Picallo, que abandonou a corporación coa satisfacción de ver cumprida parte da súa proposta.
O edificio databa dos anos sesenta e levaba varios anos baleiro dende que toda a actividade educativa se trasladou ao novo centro de ensino.
A día de hoxe, este terreo, duns 5.000 metros cadrados, encóntrase libre de entullos á espera da segunda fase do proxecto que converta este espazo nunha zona verde cun miradoiro.
Polo de agora o goberno municipal está á espera de de definir o seu financiamento e será necesario elaborar un proxecto de mellora integral do ámbito.
Dende o Partido Popular púxose enriba da mesa a posibilidade de abordar coa comunidade de montes a cesión de cinco parcelas lindantes de máis de 21.000 metros cadrados que permitan construír o Miradoiro de Pazos.