A Estación Fitopatolóxica de Areeiro, dependente da Deputación de Pontevedra, investigará e asesorará á empresa coruñesa Orballo, para unha plantación adicada á producción de Té nunha finca de 15.000 metros cadrados.
A Deputación e a empresa asinaron este venres un convenio polo que Areeiro asesorá a esta empresa e lle suministrará 10.000 plantas deste tipo de Camelia Sinensis nos cinco anos de duración do convenio. O prezo da planta oscilará entre os 0,80 euros a unidade e os 0,50 según o tipo de camelia. Asemesmo, asesorará a realización das plantacións e realizará un seguimento do cultivo e do estado fitosanitario das plantas.
Esta variedade da camelia é a especie máis importante do mundo e cultívase en moitos países para aproveitar as súas follas para a preparación do té.
Areeiro tén unha plantación experimental de Camellia Sinensis con produccións anuais importantes dun té de moi boa calidade.
A empresa Orballo radícase no concello de Paderne (A Coruña) e adícase á producción e envasado de produtos ecolóxicos. Actualmente produce especies e plantas aromáticas ecolóxicas e "ecoarroces" á carta. Segundo explicou o seu director, Gerardo Lagares, agora inicia unha nova liña de negocio centrada en Tés de orixe 100% galego. Plantará nunha parcela de 15.000 metros cadrados e prevé comercializar o primeiro Té Galego a mediados do ano 2016. Ese sería o primeiro té Ecolóxico de Europa.
Actualmente, o té que se consume en España (1,6 tazas por persona) é de importación. O 89% da superficie cultivada de té no mundo atópase no sudeste de Asia. China cultiva 1,4 millóns de hectáreas e produce 1,6 millóns de toneladas. India tén 600.000 hectáreas e produce 966.000 toneladas. En Europa só ten pequenas plantacións nas Azores e Italia. Europa importa para consumo da India, sobre todo.