O mosteiro de Lérez acolle a vixésima edición da Exposición da Camelia Memorial Antonio Odriozola.
Cultivadores e viveristas de Narón, Cuntis, Tui, Vilagarcía ou Ponte Caldelas, entre outras localidades galegas concorren a esta prestixiosa cita para satisfacción da Asociación Cultural Santísimo Cristo. "Logramos reunir a varios dos máis importantes cultivadores de Galicia e que acumulan os máis importantes premios", sinalaron.
Entre outros, acudiron anteriores gañadores da Medalla de Ouro da Camelia e do Premio Especial Odriozola, como Eusebio López, Begoña Franco, Manuela Couso ou Carmen Costas. O público pode gozar de distintas variedades de camelia e nas máis diversas presentacións.
Este domingo a exposición floral abrirá de 11 a 14 e de 17 a 20 horas.