Noites Abertas 2016 chegou ao seu punto final na edición deste ano e fíxoo ao grande cunha festa que se desenvolveu na praza de Curros Enríquez durante a tarde deste sábado 30 de abril.
No acto colgáronse fotografías dos eventos a través dun Galiñeiro-expositor. Alí recolléronse imaxes das actividades que tiveron lugar durante o pasados tres meses e montouse un concerto con Venomous Pink, Stock, a banda gañadora do Fest 2016 e Chirri Bomb, acompañados de actividades relacionadas co breakdance, o beat box, hip-hop e rap.
Os asistentes tamén tiveron oportunidade de presentar as súas achegas e críticas para que a próxima edición conte con outras actividades e propostas.