A Deputación de Pontevedra inicia a vindeira semana unha campaña de promoción do destiño Rías Baixas.
O presidente da Administración provincial, Rafael Louzán, presentou esta iniciativa acompañado da secretaria xeral de Turismo, Nava Castro, e representantes do Cluster de Turismo de Galicia, Asehopros, Feprohos e outras entidades representativas deste sector.
A campaña inclúe a presentación do destino Rías Baixas nos Museos Gugenheim de Bilbao o 3 de marzo; no Museo Reina Sofía de Madrid o 9; e no Museo Serralves, de Oporto, o 17 de marzo.
A xefa de Turismo Rías Baixas, Ruth González, explicou que esta campaña suporá unha diferenciación e posta en valor do destiño en canto que "as Rías Baixas son unha obra de arte que terán refrexo nos máis importantes museos"; a presenza de touroperadores e blogueiros nas respectivas zonas de influencia; e captar para as Rías Baixas un novo nicho de mercado. Cada unha destas presentacións concluirá cun concerto do músico Xoel López.
A iniciativa da Deputación consistirá tamén nunha campaña en medios de comunicación nacionaise de marketing on line a través de firmas como Destinia, Minube e Google.
Outro aspecto dela será a presenza das Rías Baixas nas feiras internacionais de Londres e Berlín, a través da Xunta e Turismo de Galicia. Cos contactos de touroperadores, bloggers, maioristas e xornalistas obtidos nelas realizaráse un FamTrip en abril coa visitas.
FINALISTA DOS PREMIOS FUNDETEC
Finalmente, a campaña levará a cabo a presentación do proxecto turístico da Deputación de Pontevedra e do Smart Destinos Rías Baixas aos Premios Fundetec. A institución provincial é finalista nestes premios na categoría de Mellor proxecto de entidade pública para a cidadanía.
Resultaron finalistas destes premios tres entidades: a Corporación RTVE (polo programa Emprende); o Servizo de Emprego Público Estatal (SEPE) (polo Portal do Emprego); e a Deputación de Pontevedra polo Smart Destination Pontevedra: El origen de tu destino. Este galardón entregaráse o 5 de marzo.