A catástrofe sufrida en Venezuela polos recentes e devastadores terremotos mantén co corazón nun puño a toda a comunidade venezolana no exterior e á cidadanía en xeral.
Tanto é así que, tamén desde Pontevedra, empezáronse a poñer en marcha mecanismos para poder axudar na medida o posible a poboación afectada.
A Asociación de Venezolanos en Pontevedra (Asovedra) - Galicia Activa habilitou unha campaña de recadación de fondos para "canalizar a solidariedade da nosa comunidade da forma máis rápida, útil e transparente".
"Venezuela necesítanos", afirman, xa que "o devastador terremoto deixou centos de familias afectadas e unha enorme necesidade de apoio".
"As actuais dificultades loxísticas fan que o envío de insumos non sexa a forma máis eficaz de responder a esta emerxencia. Por iso, habilitamos unha conta solidaria oficial para que a axuda poida chegar onde máis se necesita", explica a asociación, que por agora decidiu non pedir nin recoller axuda material.
"Cada euro suma. Cada doazón conta", asegura Asovedra garantindo que as achegas contribuirán a "apoiar as necesidades máis urxentes que se determinen dentro da resposta humanitaria a esta emerxencia".
A conta habilitada por Asovedra é a ES15 0049 6766 83 2010046761 (Banco Santander).
Ao realizar unha achega debe indicarse como titular á ASC de Venezolanos en Pontevedra, ademais de sinalar no concepto da tranferencia nome e apelidos seguido de "Solidariedade Venezuela 2026".