A Plataforma de Contratación do Sector Público vén de publicar a licitación da obra "Mellora da iluminación interior da sede da Autoridade Portuaria".
Trátase dun sistema composto principalmente por luminarias con tubo fluorescente circular e por fluorescentes compactos.
A actuación, financiada con fondos europeos MRR, comprende a utilización de luminarias máis eficientes, con tecnoloxía LED, repercutindo na mellora das condicións lumínicas e a eficiencia enerxética das instalacións.
Ademais reducirase o consumo eléctrico e a emisión de gases de efecto invernadoiro á atmosfera.
Os traballos consistirán no desmonte de 297 unidades de luminarias existentes de tubo fluorescente de diferentes tipoloxías (encaixadas a teito, encostadas en superficie e suspendidas), e a súa substitución por un total de 268 unidades de luminarias de tecnoloxía LED e 59,5 m de tiras LED.
Os traballos inclúen a adaptación de ocos en teitos e falsos teitos, pintado, reposición de caixas de conexións e prolongación de liñas ou conducións, en caso de ser necesario.
As novas luminarias están fabricadas con materiais reciclados e impresas en 3D con emisións neutras de carbono.
Nas zonas que contan con luz natural, as luminarias inclúen sensores integrados para a regulación da iluminación.
Este investimento está incluída no Plan de investimentos 2024-2028 do Plan de Empresa 2025 desta Autoridade Portuaria, validado polo Consello Reitor do Organismo Portos do Estado.
Engade Pontevedra Viva como fonte preferida de Google de balde
Mantente informado coas últimas noticias de actualidade.