O Burgo cumpre coa tradición e recolle as uvas e o millo para abrir as súas festas de Santiaguiño

A tradicional procesión polo barrio do Burgo para recoller as uvas e o millo abriu este xoves as xa tradicioales festas de Santiaguiño do Burgo.

Como marca a tradición, veciños e devotos acompañaron a imaxe de Santiago para recoller as uvas e o millo na casa da familia Couto, para lembrar o xesto do apóstolo cando, segundo conta a lenda, estaba cansado en Pontevedra e recibiu a atención de iun veciño que lle deu de comer e beber e, en agradecemento, prometeu que os seus terreos darían froitos antes que o resto do barrio.

A cita relixiosa, celebrada tras a misa solemne, tivo, como é habitual, acompañamento musical. Os de Algures seguiron ao Santo en todo o percorrido.

O ambiente festivo xa se vivía no barrio desde primeira hora deste xoves, grazas aos pasacalles a cargo do grupo Duos Pontes.

Xa coa chegada da noite, a festa seguiu no recinto feiral coa verbena a cargo da orquestra Primera Línea.

No recinto feiral tamén abriron este xoves as atraccións das festas. Este ano, pequenos e maiores poden gozar de 16 atraccións, todas elas revisadas xa polos técnicos de Enmacosa para garantir a súa seguridade.

Os festexos continúa no barrio do Burgo até o luns, 28 de xullo e vivien este venres 25 o seu día grande.

Ao mediodía haberá misa solemne e, a continuación, procesión polo barrio do Burgo e tanto ás 13.00 como ás 19.00 a música alagará o barrio cos pasacalles de Os Alegres e Fervellos do Pío.

A partir das 19.30 horas está prevista a actuación polo barrio dos Gaiteiros dás Rías Baixas e ás 22.30 será o momento da verbena no recinto feiral coa orquestra Sinfonía.

A medianoite chegará o esperado momento dos fogos de artificio na beira do río, entre a ponte do Burgo e a ponte de Santiago.

Consulta toda a programación na axenda de PontevedraViva.