A Fundación Provincial Banco de Alimentos necesita persoas voluntarias para a súa primeira operación quilo de 2025, o coñecido como Zampakilos Solidario.
A campaña precisa a 225 persoas na comarca de Pontevedra: 125 para Vilagarcía, Vilanova, Cambados, Vilalonga, Catoira, Cambados e Ribadumia; 50 para Bueu e Marín; 25 para Arcade; 25 para Lalín; e 25 máis para Poio.
A campaña, impulsada por noveno ano consecutivo por Vegalsa-Eroski, volverá desenvolverse en formato mixto, é dicir, poderán entregarse doazóns físicas e/ou achegas económicas ao pasar por caixa.
Realizarase os días 14 e 15 de marzo en máis de 40 supermercados de toda a provincia e as persoas voluntarias participantes estarán perfectamente identificadas co peto azul do Banco de Alimentos.
Axentes da reserva da Subdelegación de Acción Social da Comandancia da Garda Civil de Pontevedra sumaranse á campaña, como xa fixeran na operación Quilo do pasado novembro.
Serán 45 homes e mulleres que se repartirán maioritariamente no Salnes, Vigo e a zona de Pontevedra.
Para ser voluntario ou voluntaria desta campaña só é preciso dispor de 4 horas libres e darse de alta en https://bancoalimentosvigo.org/faiche-voluntari/ ou chamar ao 986865301.
O obxectivo deste Zampakilos Solidario é igualar ou superar os 60.000 quilos de alimentos recadados durante a anterior edición en toda a provincia de Pontevedra, cuxo resultado foi unha marca.