A Policía Nacional investiga un atraco a punta de pistola rexistrado o pasado luns en Marín.
Segundo a información facilitada polo Concello de Marín, a vítima acababa de saír do banco na rúa Jaime Janer cando ocorreron os feitos.
O sospeitoso perseguiuna sen que ela désese conta e, ao chegar á altura de O Inferniño, asaltouna a punta de pistola e sacoulle o bolso.
Nese momento, a vítima forcexeou para evitar o astalto e agarrou a man do seu asaltante con a que sostiña a pistola. Segundo indicou o Concello de Marín, todo apunta a que, co apertón, accionou o seguro e á arma caeulle o cargador.
O atacante botou a correr e a vítima quedou no lugar co cargador na man. A pistola resultou ser de fogueo e o cargador está xa en mans da Policía Nacional.
Os feitos chegaron primeiro a coñecemento da Policía Local de Marín, aínda que é a Policía Nacional a que agora investiga os feitos.
A Policía Nacional buscsa agora ao sospeitoso, que aínda está sen identificar.