Desde este luns 24 de novembro, Moura Teatro e Batucada Os Queimatasas desenvolven a campaña "Caixas da Ilusión" en Poio.
Trátase dunha iniciativa que anima á cidadanía a realizar doazóns de alimentos non perecedoiros e produtos de hixiene nos negocios participantes do municipio.
Cada achega será distribuída polos Servizos Sociais do Concello entre as familias que máis o precisan.
A proposta ten como obxectivo facer deste Nadal unha época máis esperanzadora e solidaria coas persoas que teñen máis dificultades económicas.
A organización convida a veciñanza, entidades e centros educativos a participar para que ningún fogar quede sen apoio nestas festas.
A campaña de recollida finaliza o luns 15 de decembro.