2,5 millóns de euros destinará a Xunta de Galicia para crear un novo centro de fabricación avanzada, destinada á produción láctea, que impulsa a Agrupación de Cooperativas Lácteas (Acolat) pertencente á firma Clesa, e que se instalará no municipio de Caldas de Reis, onde xa se atopa a factoría especializada en iogures e produtos de sobremesa.
Este proxecto buscará o desenvolvemento da base industrial en termos locais para mellorar a competitividade das pequenas e medianas empresas (pemes), segundo informan desde a Xunta de Galicia. No Consello de la Xunta tratábase o tema este mércores indicando que se poñerá en marcha esta nova infraestrutura que contará cunha cifra total de investimentos de 5,38 millóns de euros.
A intención da iniciativa é que grandes empresas, con capacidade financeira, promovan a creación e o uso de centros de fabricación de forma aberta e compartida entre as pemes na contorna onde se establecen.
Acolat promove esta proposta destinada á produción láctea. Implantarase no municipio de Caldas de Reis coa creación dun centro de fabricación avanzada de lácteos de alto valor engadido e de longo período de conservación. Será, segundo a Xunta, unha factoría altamente especializada que ofrecerá servizos para terceiros en áreas de formulación, envasado e manipulado de produtos derivados lácteos animal e/ou vexetal.
A Xunta achegará 2,5 millóns de euros para a creación desta infraestrutura coa idea de mellorar os procesos térmicos e de envasado para as empresas do sector que exportan os seus produtos. Desta forma, tentan que non se dependa de empresas externas e prepárese todo en Galicia, rebaixando os gastos de produción e de loxística.