A estampa, como todos os anos, foi a mesma. Moitos foron os pontevedreses que esperaron até o ultimo momento para buscar a sorte.
As colas nas administracións de lotaría sucedéronse ao longo de todo o fin de semana. Os tardegos buscaban o número que lles faga gañar o Gordo do Sorteo Extraordinario de Nadal, previsto para este luns.
Segundo as consignacións de Lotarías y Apuestas del Estado, cada pontevedrés comprou unha media de catro décimos para este sorteo, xa que do mesmo xeito que os galegos gastamos uns 83,29 euros por habitante.
Quedamos lonxe dos 121,28 euros por persoa que, de media, gastan os habitantes de Castela e León neste sorteo do Nadal.
O Sorteo Extraordinario da Lotaría de Nadal repartirá un total de 2.772 millóns de euros en premios, o que supón 70 millóns máis que o ano pasado.
A sorte repartirase, un ano máis, desde o Teatro Real de Madrid
O primeiro premio, coñecido popularmente como o 'Gordo' de Nadal, ten un importe de 4 millóns de euros por serie, é dicir, 400.000 euros por décimo.
Pola súa banda, o segundo premio ascende a 1.250.000 euros por serie e o terceiro sitúase en 500.000 euros por serie, 125.000 e 50.000 euros, respectivamente, por décimo.
Tamén destacan dous cuartos premios (200.000 euros por serie) e oito quintos (60.000 euros por serie). Por décimo suporían 20.000 e 6.000 euros, respectivamente.