A Garda Civil de Pontevedra reforza o seu servizo cun novo grupo de alumnos en prácticas.
Durante o verán refórzase a presenza de axentes en unidades territoriais de seguridade cidadá como a pontevedresa.
Na Comandancia provincial incorporáronse en concreto este luns 29 de xuño 37 novos gardas civís alumnos en prácticas.
Foron recibidos polo Subdelegado de Goberno e o Coronel Xefe da Comandancia.
Por diante contan con 40 semanas de período de prácticas, no seu segundo período formativo, necesarias para completar a súa instrución e adquirir a condición de gardas civís profesionais.
Prestarán servizo nos postos de Tui, Salvaterra de Miño, Ponteareas, Tomiño, O Porriño, Baiona, Mos, Pontevedra, Moaña, Cambados, Sanxenxo, Caldas de Reis, Valga, A Estrada e Lalín.
En toda España incorporáronse ao servizo 3.123 gardas alumnos e alumnas en prácticas, dos que 874 formaranse en especialidades como Tráfico, ARS, Fiscal ou Marítimo.
Todo o alumnado procede das promocións 131ª da Academia de Guardias de Baeza e 172ª do Colegio de Guardias Jóvenes de Valdemoro.