O Concello de Cerdedo-Cotobade indica que a partir desta semana entra en funcionamento o Taller da Memoria no municipio, destinado a persoas maiores.
Comezarán en Carballedo e Cerdedo este mércores 10 de maio, mentres que en Tenorio as actividades están previstas para o 16 deste mes.
O horario para todas estas sesións será de 17.00 a 18.30 horas no Salón de Usos Múltiples do Concello, Centro Multisocial e Club de Xubilados, respectivamente.
As persoas interesadas en participar deberán inscribirse nos Servizos Sociais do Concello de Cerdedo-Cotobade chamando ao teléfono 986.760.001 ou acudindo directamente a estes talleres de memoria no momento en que está previsto o inicio das actividades.
Serán impartidos a 25 persoas en cada un dos espazos: Carballedo, Tenorio e Cerdedo.
O obxectivo céntrase en fomentr o estímulo cognitivo e a psicomotricidade das persoas de avanzada idade.