O Concello de Cuntis ven de acometer a rexeneración integral do coñecido como “Camiño do convento” mediante unha nova capa de pavimento de formigón ademais de melloras no alumeado.
A actuación contou cun orzamento de 40.000 euros achegados pola Deputación Provincial a través do Plan Concellos.
Este tramo do camiño, comprendido desde a estrada PO-220 á entrada ao Convento, foi humanizado mediante o ancheamento do mesmo e a dotación dunha nova capa pavimento composta por formigón ademais dunha actuación encamiñada a evacuación das augas pluviais, que era un dos seus principais problemas.
O alcalde destacou que este proxecto “era moi necesario por tratarse dunha vía de comunicación moi utilizada polos veciños e veciñas e que presentaba un pavimento asfáltico que precisaba unha mellora debido ao seu mal estado de conservación provocado polo paso do tempo”.