As obras de asfaltado do pavimento da rúa Alcalde Ezequiel Massoni de Marín terminaron coa colocación de lombos e o pintado da calzada. Tras completarse os labores de asfaltado levaron a cabo traballos de adecuación das beirarrúas aos lombos para facelas máis seguras e accesibles para os peóns.
Polas inclemencias meteorolóxicas dos últimos días quedan aínda por realizar pequenas actuacións relacionadas coa pintura que serán executadas o vindeiro luns.
A obra tiña como obxectivo arranxar o pavimento desta rúa que presentaba un aspecto moi degradado polo paso do tempo e con graves deficiencias na pintura e a sinalización que agora quedaron liquidadas.