A Xunta de Goberno do Concello de Pontevedra foi informada este luns dunha sentenza que condena tres individuos por agredir un axente da policía local.
Os feitos tiveron lugar o 2 de marzo de 2017 durante un operativo de seguimento por tráfico de estupefacientes na rúa San Antoniño no que se interceptaron a estas tres persoas, que reaccionaron de maneira violenta causando danos a un garda.
A xustiza condenou unha destas persoas como autor dun delito de resistencia á autoridade á pena de catro meses de prisión e por un delito contra a saúde pública a un ano de prisión. Outro dos detidos é condenado a seus meses de prisión por un delito de atentado contra a autoridade polo que tamén foi condenado o último acusado a dez meses de prisión e a sete meses de cárcere por outro delito de lesións.
Ademais deberá indemnizar ao policía local en 5.108 euros, que é a cantidade reclamada polo Concello xa que a Fiscalía estimaba a indemnización en 2.940 euros por unha baixa laboral que se prolongou durante 98 días.