A procura da cadela Molly non cesou desde a súa desaparición o pasado domingo e cada día son máis as persoas que se unen coa esperanza de atopala.
É por iso que, para este sábado, aproveitando que é fin de semana e a xente terá máis tempo libre, Adopcións Galicia convocou unha nova batida cidadá organizada para atopala e poder devolverlla ao seu dono Gunter, un turista alemán que chegou a Pontevedra en autocaravana con Molly como a súa única compañeira de viaxe.
A batida será a partir das 16:00 horas desde o aparcamento de autocaravanas de Tafisa e pode unirse todo o que o desexe.
A cadela, de cor negra con manchas brancas e arnés vermello, estaba na zona do paseo cara á fervenza de Monte Porreiro cando desapareceu e calquera novidade sobre ela pode comunicarse a Adopcións Galicia (660817079) e á Policía Local.
A procura de Molly continuou este venres pola mañá coa participación dunhas 40 persoas e pola tarde uniranse máis.
Desde Adopcións Galicia solicitan a maior axuda posible tanto para colocar os carteis como para axudar nas batidas e insisten en que a cadela leva un arnés vermello como o da foto.