O luns 23 de setembro producirase un corte de auga puntual en Marín para realizar a conexión coa rede municipal da nova tubaxe colocada polas obras de mellora do saneamento do río Lameira.
O corte se producirá entre as 9:00 e as 13:00 horas e afectará á Urbanización Virxe do Carme, á Rúa Jaime Janer, desde a Rúa do Souto ata a Rúa Enrique Turral, e á marxe esquerda da Rúa Recamán.
Desde o Concello entenden as molestias que estas obras están a producir entre a veciñanza, pero indican que a súa importancia "é vital para a mellora do saneamento e a recuperación medio ambiental do río Lameira".
Ademais, con estas melloras en Jaime Janer evitaranse futuras fugas e avarías, que se producían pola antigüidade das instalacións.