Críticas ao Concello de Ponte Caldelas por parte do BNG tras a aparición dunhas pintadas na Capela do Balneario e da cal se coñecen os seus autores.
Segundo indicou a portavoz do partido nacionalista, Sol Seoane, "o abandono é o caldo de cultivo para o vandalismo", e culpa ao goberno de Andrés Díaz por ter a zona e a súa contorna "estado de absoluto abandono" o que "facilita que se produzan este tipo de actos vandálicos".
É por iso que desde o BNG instan ao alcalde a que "traballe para manter en bo estado o noso patrimonio, tanto natural como cultural, que a día de hoxe deixa moito que desexar, porque nun espazo coidado é máis difícil que se produzan actos vandálicos como os que se deron na capela do balneario".
Incidiu, por último, na necesidade de actuar nas pasarelas do río Verdugo e nos petróglifos que, na actualidade, están "totalmente abandonados".