A polémica celebración do XXVI Campionato Provincial de Raposo de Pontevedra nos montes de Cerdedo-Cotobade terminou cun cruzamento de denuncias entre os cazadores participantes e os activistas que tentaban obstaculizar o evento.
A intención dos colectivos animalistas participantes nas protestas era, a través de bucinas e pitidos, escorrentar aos animais para evitar que se producisen mortes de raposos, o que deu lugar a múltiples escenas de tensión cos participantes no campionato.
Por parte dos activistas "reportamos numerosas incidencias, incluído agresións e ameazas", asegura a asociación Libera!. Entre elas estaría a agresión dun cazador en Borela, que presuntamente lle deu unha puñada a uns manifestantes ameazándoos coa súa arma ao ser perseguido con equipos de son.
Finalizan las matanzas de zorros y los activistas que han trabajado toda la mañana se dejan sentir en su "centro de operaciones".
— Asociación Libera! (@LiberaONG) 12 de enero de 2019
Decenas de personas han logrado silenciar sus escopetas ¡GRACIAS!
Hemos reportado numerosas incidencias, incluido agresiones y amenazas. pic.twitter.com/kue2eZ2pVo
En canto aos cazadores, a Federación Galega asegura que se reportaron danos en vehículos e ata ataques con pementa cara aos cans de caza. Ademais denuncian insultos e que nos intentos de boicot algúns activistas introducíronse na zona de caza de forma temeraria.
No Campionato Provincial de Caza de Raposo participaron un total de 26 equipos, finalizando a xornada cun rexistro de 13 animais abatidos.