Na quenda de tarde do pasado xoves día 18 de agosto sobre as 15:30 horas os axentes da Policía Local foron requiridos por unha posible defraudación de fluído eléctrico na explanada da Seca.
Segundo informan fontes oficiais da Xefatura da Policía Local de Poio ao chegar ao lugar observaron a un vehículo Twizy E-Tech eléctrico 100% cargando directamente na rede eléctrica.
Despois de identificar o propietario resultou ser un electricista de Granada que fixo un adaptador para roubar a corrente directamente e así viaxar de forma gratuíta.
Os policías procederon a informar o xulgado dos feitos por un presunto delito leve de defraudación de fluído eléctrico.