Integrantes da asociación ecoloxista Vaipolorío atoparon durante este domingo catro aves de curral mortas en diferentes puntos do carreiro do río Tomeza- Gafos, espazo natural de Interese Local ENIL.
Inmediatamente, os representantes deste colectivo puxéronse en contacto coa Policía Local de Pontevedra para denunciar esta situación e que se investiguen as causas da morte destes animais.
Neste mesmo mes de novembro, Vaipolorío, que realiza periodicamente limpeza do río e da súa contorna, tamén alertou dunha nova vertedura no leito do río. Ata o lugar desprazábase persoal da Policía Autonómica e Augas de Galicia.