As forzas de seguridade interviñeron este sábado 17 de agosto en Poio ante un episodio de violencia doméstica e relacionado con violencia de xénero.
Segundo informa a Policía Local de Poio, axentes do corpo de seguridade municipal conxuntamente coa Garda Civil detiveron un mozo veciño da localidade.
Acúsaselle dun presunto delito de violencia doméstica e doutro de quebrantamento de condena por non cumprir cunha orde de afastamento vixente cara a unha vítima de violencia de xénero.
Os axentes acudiron á vivenda na que se produciu o suceso alertados polo 112, procedendo á detención do home para dar protección ás vítimas e instruíndo dilixencias para o seu paso a disposición xudicial.
É a segunda detención destas característas esta semana en Poio, tras a efectuada o xoves tras unha forte discusión dunha parella, procedente de Vigo.