A Garda Civil detivo o pasado venres, 10 de outubro, a un veciño de Vilaboa que realizou unha perigosa fuga durante 20 minutos.
Trátase dun home de 47 anos con antecedentes policiais que tiña en vigor unha orde de busca e captura.
Neste caso, atribúenselle delitos contra a administración de xustiza, contra a orde pública e contra a seguridade viaria. O Xulgado de Garda de Moaña decretou a súa posta en liberdade con cargos.
Todo comezou o venres cando esta persoa acudía a recoller á súa filla ao colexio. Ao atoparse cunha patrulla da Garda Civil, tentou evitalos e esta reacción alertou aos axentes.
Os axentes decidiron darlle o alto para identificarlle e, nese momento, comezou a facer manobras perigosas co vehículo e emprendeu o que a Garda Civil define como unha "perigosa e temeraria fuxida".
Ao escaparse, comezou unha persecución na que se contou o apoio de varias patrullas da Garda Civil.
Pasados vinte minutos, o home abandonou o vehículo nun camiño de terra e continuou a fuxida a pé a través dunha zona boscosa.
Finalmente, foi interceptado a escasos metros do vehículo abandonado e acabou detido.