Os amantes do viño teñen unha cita desde o venres 7 ao domingo 9 de xullo na Alameda de Marín, que acollerá a segunda edición da Festa dos Viños da IXP Ribeiras do Morrazo.
Durante estes días, as persoas que visiten as casetas terán a oportunidade de degustar as variedades que producen a Adega de Ardán, Videiras no Mar, Mosteiro de Poio, Os Areeiros e Reboraina, que conforman a Indicación Xeográfica Protexida.
As persoas que se acheguen polas casetas terán a oportunidade de catar as diferentes variedades desta produción vitivinícola que obtivo o selo gastronómico da Indicación Xeográfica Protexica (IXP), a través da asociación que leva en vigor desde 2018 e que en 2022 iniciou o seu percorrido de eventos en Marín coa organización da primeira festa destes viños elaborados nos concellos de Bueu, Cangas, Moaña, Marín, Vilaboa, Pontevedra, Poio e Redondela.
Está previsto que se sirvan copas cun prezo único e a empresa Rosa de los Vientos, de Marín, encargarase dos elementos culinarios con arroz con polbo, croquetas, polbo á feira e tamén ao estilo Ons con patacas, entre outras opcións gastronómicas.