A Policía Local de Vilagarcía de Arousa saldou a quenda de tarde do martes 16 de xuño coa detención de dúas persoas como presuntas autoras dun atraco con arma branca.
O suceso produciuse ás 19:48 horas na Froitería Katy nun momento en que non había clientes no establecemento.
Os axentes arrestaron no lugar os integrantes da parella que chegaron a poñer o coitelo no pescozo da dependenta.
Posteriormente, durante a quenda de noite, as patrullas operativas desprazáronse a un inmoble da rúa Bosque Desamparados.
Os axentes recibiron un aviso ás 00:15 horas debido a un enfrontamento entre unha parella.
Na vivenda, os efectivos policiais comprobaron que un home presentaba lesións derivadas dunha agresión física cometida presuntamente pola súa parella.
O afectado achegou como proba un arquivo de vídeo onde quedaron rexistrados os insultos e os golpes propinados pola muller.